Biherko Arratia

Eskualdeko plangintza estrategikoa misioetan oinarritutako berrikuntzaren ikuspegitik garatzeko prozesua izan da, eskualdeko eraldaketa sozial eta ekonomikoa modu kolaboratiboan bultzatzeko helburuarekin. Horretarako, eskualdeko udalak, hezkuntza-eragileak, gizarte-erakundeak eta bestelako eragile sozioekonomikoak elkarlanean aritu dira bederatzi hilabetez iraun zuen hausnarketa estrategikoko prozesu batean.

Prozesu horren emaitza nagusiak honakoak izan ziren: etorkizun partekatu baterako misio komun baten definizioa, lau inpaktu estrategikoren identifikazioa, eta misio hori gauzatzeko beharrezkoak diren bost proiektu eraldatzaile zehaztea. Proiektu horiek tamaina eta berrikuntza-maila desberdinetako ekimenak dira, baina guztiek dute lankidetza eta baterako garapena oinarri. Gaur egun, prozesua inplementazio-fasean dago, eta definitutako proiektuak aktibatzeko eta eragileen arteko lankidetza-sareak sendotzeko lanean ari dira.